當你望住「Juno」，腦海中開始浮現「麥浚龍」……停！呢個諗法一定要戒！因為《Juno少女孕記》今時今日喺美國已成為獲獎無數、好評滿分、劇本睿智、對白精警嘅喜劇代表作，而電影中總係忽發奇想，開口埋口夭心夭肺嘅16歲大肚妹Juno，更已成為最具時代意義嘅潮流icon，你一定要識！美國電影頒獎禮季節一開始，《Juno少女孕記》已獲獎無數，至今「笑奪」超過30個重量級獎項，更有望揚威金球獎同奧斯卡！
套戲真係咁正？睇吓開場字幕動畫先啦！導演積遜列文( Jason Reitman )搵番之前合作《吸煙無罪》( Thank You for Smoking )嘅Shadowplay Studio，帶著飾演Juno嘅愛倫比芝( Ellen Page )行「暈」2D-3D世界。手繪動畫+簡約拼貼畫風格，《Juno少女孕記》一開show就玩爆「視覺系」！
假若你啲friend已經厭倦咗你喺Facebook「poke」佢，或者扮zombie「互bite」，或者其他「time-killer」遊戲，或者你會對呢件「新貨」大感興趣！華納兄弟影片為咗宣傳明年3月上畫嘅遠古史詩鉅獻《10,000 BC》，喺Facebook度整咗個原始人對戰遊戲，型到爆！
「變形俠醫 The Hulk」番嚟了！不過今集幕前幕後都經歷大「換血」：愛德華諾頓( Edward Norton )取代艾力賓拿( Eric Bana )變身「The Hulk」，女友珍妮花康納莉( Jennifer Connelly )都換咗係「精靈公主」莉芙泰萊( Liv Taylor )。發行公司環球影片啱啱出咗2幅《變形俠醫2》( The Incredible Hulk )官方電影劇照，作爲新年禮物同大家分享。
人氣最強動漫！2008首襲大銀幕！日本總票房突破9億！
電視御用配音班底粵語聲演 搞鬼抵死 精警傳神
弊傢伙！花師奶、阿柑調轉咗！
我們這一家──電影版 Atashin’chi The Movie
2008.1.17 闔府統請
尊尼特普( Johnny Depp )《魔盜王》( Pirates of the Caribbean )之後化身變態殺人狂「魔街理髮師」( Sweeney Todd )。不過好多忠實影迷仍然念念不忘「Captain Jack」嘅「英姿」，所以我哋可以睇到呢條「魔街理髮師 x 魔盜王」fans原創電影預告！超型！
尊尼特普戲中遭人陷害無辜入獄，飽受摧殘蛻變成「魔」，不過就唔係「魔街理髮師」，而係「魔盜王」！
又到新年啦！依家市面度已經出咗好多款電影主題嘅2008年官方授權月曆，我見到有「哈利波特」、「魔幻羅盤」、「星球大戰」、「魔盜王」，連「South Park」都有！呢個其實都可以作爲好好嘅電影宣傳途徑嚄！霍士影片安排喺明年3月上畫嘅Blue Sky Studios最新動畫力作《大象亞鈍救細界》( Dr. Seuss’ Horton Hears A Who! )最新出爐08年官方月曆設計圖，首次曝光多幅電影劇照！
生猛過《翻生侏羅館》 搞鬼過《反斗奇兵》
08年第1部開心特技鉅獻
魔幻 + 浪漫 + 特技
玩具掌門人( Mr. Magorium’s Wonder Emporium )
1月10日 魔法圍住你
玩具發脾四 靚女接班人都冇定企
兄弟上路同心 分享高低起跌人生
晴朗一天出發 奇妙旅程收補良緣
人氣潮奪
本屆【威尼斯影展】最高榮譽金獅獎提名
【紐約電影節】開幕作品
《大吉利是有限公司》( The Darjeeling Limited )
2008.1.10 激死不離親兄弟
《癲才家族》奧斯卡、柏林影展提名 韋斯安德遜 Wes Anderson 鬼才導演
潮型癲喪 x 反樸歸真 指標示範
新力影片可以話係咁多hollywood studios入邊最「偏好」喜劇嘅一間。2008年暑期佢哋當然準備咗「重量級」笑片作爲主打影片。接著落來我哋睇到嘅兩齣喜劇都「大有來頭」：阿當桑迪拿( Adam Sandler )話俾你知點解《You Don’t Mess With the Zohan》，仲有韋史密夫( Will Smith )變身「冇腦超人」《Hancock》！
Wordpress | Theme Wucoco | CC-by 授權條款
涉及名稱、相片、影片及其他資料均為相關電影公司持有版權之内容。
