睇過咁多條《太空奇兵．威E》( Wall-E )電影宣傳片段，係咪好想見吓呢位可愛趣怪的機械人呢？最近就有影迷喺洛杉磯街頭遇著一隻電子寵物版「威E」，好鬼得意！唔知幾時可以喺香港見到呢？
好多人可能同我一樣有咁嘅諗法：不如喺屋企養番隻「威E」！唔駛急，就嚟有得賣啦！迪士尼彼思今年計劃推出多款《太空奇兵．威E》智能機械人玩具，包括有「終極版威E」（上圖，秋季上市）及「iDance」威E跳舞喇叭（暑期上市）。
「終極版威E」身上有10個驅動馬達令及各種傳感裝置，令到佢可以避開障礙物自由行走，或者跟隨人類聲音走動，發出聲音，甚至可以感應到有人進入房間，售價189.99美金。
「iDance」威E跳舞喇叭設計有多個USB及音頻輸入接口，支援電腦、iPod 及其他隨身音響設備播放音樂，售價24.99美金。
《太空奇兵．威E》香港上畫日期：2008年7月24日。
