上個星期有報道指，成立於2001年嘅華納影視香港分公司正式宣佈結業，而本地影碟發行業務就轉手得利。發行權變更喺業界並非罕事，不過好多人都關心得利今次是否會為華納帶來「新氣象」？
香港華納影視執笠未必因業績欠佳，而係因為香港市場空間有限，特設分公司要承擔較高營運開支，而華納影視喺香港只發行自家影片，的確難有作為。
其實華納影視近幾年一直有結業傳聞，不過最終揀喺今年放盤，可能因《蝙蝠俠—黑夜之神》( The Dark Knight )票房表現強勁刺激市價上揚，高位抛售又可以慳多筆，一舉兩得。
華納即使交由得利代理，發行計劃仍由華納影視制訂，而影碟又因香港、台灣、泰國等東南亞市場共版而統一喺台灣製作。得利基本上只負責賣碟，建議各位對字幕版本唔好期望太高……
對於多數消費者，恐怕惟一可見變化就係華納影碟包裝標籤變咗「發行：得利影視股份有限公司」。
Tags: Deltamac, Warner Bros.
Mov3.com執笠
香港華納影視執笠
香港電影沒落？
Left by Anonymous on September 12th, 2008