
每年二、三月都係奧斯卡大熱電影登陸本港嘅預留檔期。09年將至,各電影公司亦陸續排定片目及映期。但琦溫絲莉( Kate Winslet )角逐影后之作《The Reader》暫時仍未度到合適中文片名,各位得閑不妨幫手諗下,更有機會贏取驕陽電影送出嘅《The Reader》優先場戲飛!

每年二、三月都係奧斯卡大熱電影登陸本港嘅預留檔期。09年將至,各電影公司亦陸續排定片目及映期。但琦溫絲莉( Kate Winslet )角逐影后之作《The Reader》暫時仍未度到合適中文片名,各位得閑不妨幫手諗下,更有機會贏取驕陽電影送出嘅《The Reader》優先場戲飛!

新力哥倫比亞影片最擅長炮製笑片,明年暑期檔前就有兩齣招牌式喜劇排著上畫:老牌笑匠史提夫馬田( Steve Martin )再發「神」威之《傻豹遇著烏Sir Sir 2》( The Pink Panther 2 )、《迫上斷背山》奇雲詹士( Kevin James )變身無敵保安《Paul Blart: Mall Cop》。「硬滑稽」未必人人受落,呢兩套勝在低能得嚟又唔會太低俗,啱晒但求一笑嘅觀眾。

漫畫改編話題電影《幽靈奇俠》( The Spirit )近日透過 Yahoo! 率先曝光7條電影片段!雖然法蘭米勒( Frank Miller )導演首作口碑未見突出,但台前幕後巨星美女雲集,華麗電腦特技還原漫畫美學尚算賞心悅目,都值得入場一看。

聖誕新年檔未到一半,話咁快就介紹2009年情人節檔期新戲了。
由於情人節近奧斯卡頒獎禮,所以多齣提名得獎作品均安排於此檔開畫,稍後再作專門介紹。而另一類就係題材絕對應節嘅愛情片,其中又以輕喜劇居多。但全城一片浪漫氣氛之下,竟然殺出套硬「sell」血腥場面嘅恐怖片,畀各位名正言順攬住隔籬嗰個。

一套電影同時出幾張宣傳海報已見怪不怪,但環球影片最新曝光《怪誕隨意門》( Coraline )海報系列共有多達26款設計,又似乎有少少誇張。每張海報以一個英文字母為主題,分別對應不同關鍵字,都幾有創意。唔知邊間戲院夠位擺晒D海報了。