早晨呀！好耐無見！休blog足足五個月後，荷里活電影手冊終於重出江湖！Hooray!
休blog期間有人留言詢問小弟係咪去咗旅行/被炒XD，其實我只係去咗另一個 project 幫手。可能有影迷已收到風，AOL 旗下電影網站 Moviefone 即將推出中文版，包括香港版、中國版及台灣版，而家一切已準備就緒，只待美國方面拍板。考慮到 AOL 目前忙於下個月9號分拆上市事宜，Moviefone 中文版正式公開恐怕要等到明年1月了。
除咗準備新網站，小弟呢段時間亦做咗好多之前想做的事情，例如：重拾法文，練習「Single Ladies」，堅持睇完《Twilight》四部曲小說，嘗試了解較少關注的波里活電影……最重要的係，可以停下腳步，整理自己的思緒。其實人腦就好似打邊爐，需要不斷加食材、湯底。休blog期間，小弟亦產生不少有趣的想法（關於電影、寫blog、人生？），以後會藉每週專欄與各位分享。
話咁快，荷里活電影手冊已成立兩週年！（Bon anniversaire!）小弟有意於近期舉辦一個蚊型影迷茶聚，詳情待定，有興趣不妨留言報名罷。=)
No tag for this post.
我仲以為你有什麼不測…..想死我了！
Left by 2012末日預言 on November 21st, 2009