早晨呀！好耐無見！休blog足足五個月後，荷里活電影手冊終於重出江湖！Hooray!

休blog期間有人留言詢問小弟係咪去咗旅行/被炒XD，其實我只係去咗另一個 project 幫手。可能有影迷已收到風，AOL 旗下電影網站 Moviefone 即將推出中文版，包括香港版、中國版及台灣版，而家一切已準備就緒，只待美國方面拍板。考慮到 AOL 目前忙於下個月9號分拆上市事宜，Moviefone 中文版正式公開恐怕要等到明年1月了。

除咗準備新網站，小弟呢段時間亦做咗好多之前想做的事情，例如：重拾法文，練習「Single Ladies」，堅持睇完《Twilight》四部曲小說，嘗試了解較少關注的波里活電影……最重要的係，可以停下腳步，整理自己的思緒。其實人腦就好似打邊爐，需要不斷加食材、湯底。休blog期間，小弟亦產生不少有趣的想法（關於電影、寫blog、人生？），以後會藉每週專欄與各位分享。

話咁快，荷里活電影手冊已成立兩週年！（Bon anniversaire!）小弟有意於近期舉辦一個蚊型影迷茶聚，詳情待定，有興趣不妨留言報名罷。=)

又到咗一年一度嘅「BlogDay」。參與「BlogDay」活動的 blogger 今日都會介紹5個別具特色嘅新網誌畀所有訪客，藉此發掘更多嶄新而有趣嘅blog。

自己有追開嘅網誌其實都幾多，從中選出5個並非易事。不過最終都揀咗5個主題各異嘅電影blog同大家分享。（排名不分先後）同時歡迎各位踴躍推薦！

• 影像日報
  「荷里活電影手冊」中國版，更新頻密過我哋好多，推薦畀識睇簡體字又熟悉大陸翻譯嘅影痴。
• 4res電影夢囈
  網誌內容夠詳盡，版面設計擺咗唔少心機落去，「圖解電影」手法令人眼前一亮。
• HAND神的REMOTE CONTROL
  電影評論睇得多，但電影原聲評論未必咁多人寫。一個值得配樂發燒友關注嘅blog。
• Freakish Illusion
  文字功力相當不俗，近日加入網上影評節目「影畫春秋」開咪講戲，恭喜恭喜！
• KINGMAN@電影私房菜
  作者談論影畫之餘，更道出自己拍攝製作獨立電影嘅辛酸歷程。

BlogDay 當日發表文章指引：

1. 找出5個你覺得有趣的新網誌。
2. 在2008年的 BlogDay 當天，留言給這5位網誌作者，告知你推薦了他們的網誌。
3. 為推薦的網誌寫下簡短介紹，並在文中放置這些網誌的連結。
4. 在8月31日當天貼上推薦文章。
5. 並且加上 BlogDay 的 tag：http://technorati.com/tag/blogday2008，同時連結到 BlogDay 官方網站：http://www.blogday.org。

喺度祝大家新年快樂，2008年睇多D好戲！=)