夢工場動畫對香港市場的重視程度近年來有增無減。繼前年的《蜜蜂電影》( Bee Movie )之後，夢工場動畫鉅獻《天煞撞正怪怪獸》( Monsters vs. Aliens )再度選定香港作為亞洲巡回宣傳首站，這次更有夢工場動畫總裁謝菲卡辛堡( Jeffrey Katzenberg )與聲演猛哥將軍的電視劇集《24》主演基夫修打蘭( Kiefer Sutherland )訪港宣傳新戲。同時出席首映禮的還有粵語配音陳慧琳、陳偉霆及台灣國語配音張鈞甯，小弟亦有幸獲邀出席傳媒訪問活動！

首映禮，3月24日晚，The Grand

擺放在現場的《天煞撞正怪怪獸》角色宣傳海報

紅地毯儀式前的平靜

台灣版「高師奶」張鈞甯，原本不大喜歡香港譯名「高師奶」，後來得知是「哥斯拉」的諧音，覺得還蠻有趣

張鈞甯回台灣後，又要接著埋頭寫碩士論文了，果然是美麗與智慧並重……

香港版「高師奶」陳慧琳即時成為記者追訪對象

聲演啫喱怪「泡泡」的陳偉霆

謝菲卡辛堡、基夫修打蘭同兩位本地配音演員

基夫修打蘭說了不少

大家都很擔心陳慧琳的三吋高跟鞋……

謝菲卡辛堡第二次站在這個舞台上

傳媒訪問，3月25日早上，W Hotel

夢工場動畫總裁 謝菲卡辛堡

Q: 夢工場動畫已成立多年，對這段時間的動畫製作有何感想？
A: 我們極力為藝術家提供具啟發性、安穩而寬松的創作環境，從而引發更好的創意。“沒有糟糕的想法，只有更好的想法”。我們有全球最大的動畫工作室，還有1700位充滿激情的藝術家。將50年代的怪獸與外星人帶入21世紀成為英雄的想法，最早是由兩位資深動畫師提出的。全球不同地區的藝術家對這個想法都很感興趣，於是我們將它製作成電影。像是《How to Train Your Dragon》，甚至還有《史力加》，當初都是這樣誕生的。

Q: 2D電影與3D電影的製作有何不同？
A: 新的數碼3D技術較以前的紅藍鏡已有很大的改善，藝術家可借助這個工具在故事中呈現細致而複雜的情感，令動畫製作及放映效果更為精緻，但製作過程亦更為繁瑣。當電影從黑白時代進入彩色時代時，全部製作工序都要進行調整。所以這次對我們是一項很大的挑戰。

Q: 您認為在不久的將來，3D電影會取代2D電影嗎？
A: 會！很多人覺得沒那麼快，但3D的確令電影更生動有趣。雖無法預測未來發展趨勢，但我覺得3D技術提升了電影的娛樂性及觀賞效果，並為電影製作帶來革命性變化，就像有聲電影代替無聲電影，彩色電影代替黑白電影。

Q: 迪士尼今年將推出2004年以來首套2D動畫《The Princess and the Frog》。如果該片在商業上取得成功，夢工場會考慮重返2D時代嗎？
A: 我們堅持用最合適的技術對故事進行最佳的詮釋。我們仍有一班優秀的手繪藝術家，《功夫熊貓》開場5分鐘就是以手繪風格表現的。我認為最重要的還是故事本身，並繼續以開放的心態吸納最佳技術為電影服務。

Q: 將50年代B級片的角色改編成主流電影，您是否認為這是個不小的挑戰？
A: 不會。如果對早期電影有足夠瞭解，當然很容易對角色賦予的全新幽默元素產生共鳴。但即使對它一無所知，作為純粹的喜劇角色，不會因陌生而降低其娛樂效果。

Q: 製作這部電影時您遇到了甚麼困難？
A: Bob 是最難的角色。它豐富的情緒表現，極為獨特而具有挑戰性。這是動畫製作的奇跡，亦是3D技術上的重大突破。

Q: Bob 把眼珠拋出來的動作是怎樣想出來的？
A: 那不是技術突破，只是個有趣的動作罷了。（笑）

Q: 對於下一套夢工場動畫，您是否有希望改善的地方？
A: 當然。你可能留意到，新的動畫都是在以往作品的基礎上不斷改進，我們總是希望給觀眾帶來意想不到的體驗，明年上映的《How to Train Your Dragon》就出現了很多新元素，像是龍從水中噴火的效果。我們有個部門專門負責開發動畫技術，幫助動畫師發揮他們的想象力。我們必須站在科技尖端，才能帶來更好的動畫作品，兩者是密不可分的。

Q: 夢工場電影已與迪士尼簽訂為期6年的發行合約，我很好奇夢工場動畫打算與派拉蒙續約，還是選擇新的合作夥伴呢？
A: 我們的合約剛剛開始三年半，現在考慮合約終止後的事情還為時過早，現在我們的合作非常愉快。

Q: Jack Black 講過，他要將從夢工場賺到的錢，押寶彼思奪得奧斯卡最佳動畫，您對此有甚麼看法？
A: 我相信那是 Jack 開的玩笑，我想他真正的意思是夢工場動畫的票房更高，卻很少獲得學院的青睞，至少這幾年如此。我很贊賞彼思的作品，人們總是討論公司之間的競爭，但對于我們來說，唯一的競爭對手就是自己，只有不斷超越自我才能獲取更大成就。我們這幾年的業績不錯，沒甚麼可抱怨的。

《24》金球視帝 基夫修打蘭

Q: 「跳槽」做動畫配音，是否因為開始厭倦《24》的角色？
A: Jack Bauer 在每季都有新的體驗，所以我是不會厭倦的。我當時就對這個故事很感興趣，它傳達了「與眾不同並非一件壞事」的訊息。我自己有興趣參與為年輕人製作的電影，而監制亦覺得我的聲線很適合聲演將軍的角色，因此加入了這個團隊。

Q: 您會考慮將《24》拍成電影嗎？
A:  對此我們已考慮了很久，若是電影版，我們將用兩小時表現24小時的事情，令觀眾過足戲癮。但第7季已設為電視劇集，為了不令編劇感到為難，我們要等到今季結束再做打算。

Q: 您在《24》中保衛美國及世界人民的安全，假如我像您一樣是加拿大人，會希望保衛自己的家鄉，您覺得怎麼樣？
A: 這個問題很有趣。（笑）我們的確想過，我、導演、攝影、扮演妻子女兒的演員，以及很多劇組成員都是加拿大人，不過既然這是一部美劇，當然還是以美國為背景，儘管國境的界限已越趨模糊。我媽看《24》的時候亦對這個念念不忘……

Q: 您覺得 Jack Bauer 的立場矛盾嗎?
A: 當然，他的政治立場和意識形態一直在改變。他要面對恐怖主義的殘酷現實，這正反映了 Jack 的個人特質。

Q: 為何劇中多次出現您被折磨的鏡頭？
A: 我們用戲劇性的折磨場面表現出劇情的緊湊，或許美軍訓練會被製作成電視節目，但我們遇到的炸彈威力更大。（笑）

Q: 您覺得《24》有機會被製作成動畫嗎？
A: （謝菲卡辛堡）我在想能否將《24》改編成歌舞喜劇動畫……（基夫修打蘭）一切皆有可能！（笑）

Q: 您覺得香港怎麼樣？
A: 我們這次僅有兩天時間宣傳電影。從酒店我只能看到這座城市很小的一部分（編者注：W酒店位於九龍站上蓋），希望下次有機會在香港停留7至10天，到處走走瞭解這座獨特的城市。

Q: 您覺得香港配音演員怎麼樣？
A: 他們是在影片完成的情況下配音，這更為困難。陳慧琳在紅地毯上引發現場陣陣尖叫，可見她的知名度。我很高興見到來自不同地區的同行。

Q: 茱莉亞羅拔絲、安祖蓮娜祖莉都希望為自己的小孩製作動畫，您是否亦有同樣的想法？
A: 我的孩子都長大了。（笑）其實我是被故事本身所打動，並希望能為一歲半的孫子帶來些新鮮感。對於我這個42歲的人來說，有機會參與這部以當今最先進技術制作的3D動畫，感覺自己似乎又充滿了年輕的活力。

Q: 您聲演的人類角色，是怎樣看待其他怪獸角色呢？
A: 這位將軍富有同情心，在得知怪獸並非本性邪惡，只是因與眾不同而被社會邊緣化後，他喜歡上了它們，并意識到他們擁有抵抗外星人的力量，所以凡事不能以貌取人。

Q: 您在《天煞撞正怪怪獸》中既非怪獸又非外星人，是否會後悔沒有聲演這些特別的角色？
A: 我重申我非常喜歡這個故事。我也想過如果自己為其他角色配角會有怎樣的效果，由於配音是分開進行，直到最後完成我才看到其他演員的演繹，每個人的表現都很出色。更重要的是，配音令大家充分發揮想像力，我不會因此感到後悔。

向兩人提問

Q: 電影製作過程中您最難忘的是甚麼？
A: （基夫修打蘭）聲演《天煞撞正怪怪獸》期間我還在拍攝《24》，所以經常在錄音棚與片場間奔波，但工作過程非常愉快，幾乎每天從早上笑到晚上，我對於參與這部極具創意的電影感到榮幸。另外，這次有機會到全球多個地方宣傳，亦結識了不少新朋友。（謝菲卡辛堡）我們在電影中大膽使用3D技術，雖不知道技術呈現是否到位，觀眾反應如何，但製作過程是妙趣橫生的。

Q: 你們兩位有退休的打算嗎？
A: （基夫修打蘭）還沒有！（謝菲卡辛堡）還沒有！（笑）基夫的聲線美妙而獨特，我們打算長期合作。（基夫修打蘭）我仍然熱愛配音，夢工場動畫對我有很大吸引力，要做的事情還很多，暫時未作退休的打算。

《天煞撞正怪怪獸》香港上映日期：2009年4月9日。

多謝洲立影片邀請 MovieSoon 出席2月19日狄維莊遜( Dwayne Johnson )《勇闖魔域山》( Race to Witch Mountain )全球巡迴亞洲站宣傳活動。

那麼狄維莊遜係乜水？假如睇相都認唔到的話，記得在《盜墓迷城》飾演蠍子王的大隻佬嗎？或者講番佢既另一個身份「The Rock」，他是曾在比賽中吸引7萬人次入場紀錄，自傳更成為《紐約時報》最暢銷刊物的前明星級摔角手。不過迪士尼方面事前提醒小記盡量不要直呼狄維莊遜「The Rock」這個名號，因為他本人倒是想洗去這個舊名字，看來狄維莊遜想全心全意投入影藝事業吧！

迪士尼選擇香港作為狄維莊遜的宣傳首站，或者是出於支持香港迪士尼樂園的考慮。入園人數亦未如理想，導致樂園持續錄得虧蝕，加上二期擴建計劃迪士尼提出「借貸變資本」，招致不少非議。狄維莊遜同導演安迪費克曼( Andy Fickman )到訪樂園成為首個現身巡遊活動的荷里活巨星，某種程度展示了迪士尼的資源優勢。這恐怕是區內另一主題公園——海洋公園不容易做到的，即使海洋公園已同夢工場動畫建立合作關係。

下午一眾媒體乘坐大會安排的穿梭巴士由尖沙咀抵達迪士尼樂園，拿到記者証、日程表和門票了！

美國大街上，攝影師已紛紛準備好架勢，等待巡遊車隊現身，不過其實這個位置有點背光

終於一輛老爺車在美國大街上出現了！

哦，原來是遊客甲、遊客乙、遊客丙和遊客丁~

氣球大叔不忘做生意

dancer 為巡遊車隊打頭陣

超巨型的米奇老鼠，點解感覺有少少詭異？！

要演示3秒鐘速繪嗎？

車上養了頭花栗鼠 ^^

向迪士尼經典動畫電影致敬

少不了七個大矮人...

...同白雪公主

應該是灰姑娘吧！

然後有愛麗斯夢遊仙境的角色

有踏著高蹺的花花~

也有海星及海...洋生物

美人魚~不過那件衣服好像太礙眼了

不錯的水母造型，但反而令我想起海洋公園水母館

有點似解放軍的美國大兵！

反斗奇兵登場~

最後一個巡遊隊伍了~咦？上面是...

我們等待已久的狄維莊遜！

這個背光的角度是不是有點像奧巴馬？哈哈！

內地遊客眾多，幸好不是假日，不然會擠得更厲害

《勇闖魔域山》宣傳橫幅，但知道這套電影的遊客可能不多

城堡上的國王！

很粗獷的手臂啊！

狄維莊遜：我見到你了~

很喜歡這幅，狄維莊遜像是要把飛機拿下來一樣 ^^

感覺狄維莊遜很會做反應~

終於到了記者會部份，大家爭相佈置咪牌陣（下次 MovieSoon 也應該弄個！）

睡美人城堡與美國大街的中軸線一覽無遺

來了，來了~

左邊是導演安迪費克曼，原來他有點胖

主持人問兩位對香港的感受，狄維莊遜同安迪費克曼大讚香港方面接待熱情，中國菜亦很好味，並笑說如能常住香港，就能享受這裡的美食了

狄維莊遜同安迪費克曼已經是第二次合作，他們上次拍了《湊女也瘋狂》( The Game Plan )。問到兩位合作經歷時，狄維話喜歡跟安迪合作，是因為安迪經常讚他靚仔，亦教識他很多東西。

安迪講到狄維的表演潛質時，大讚他很好玩且很有魅力。拍攝喜劇位時，他亦給了狄維莊遜不少發揮空間。狄維隨即爆料話，導演提議的很多gag，他都覺得好爛...

出道以來，狄維莊遜似乎以演出合家歡電影居多，他解釋話，一來希望拍攝可以同女兒觀看的電影，二來因為家庭電影面向觀眾較廣泛，不同類型的角色能引起不同人的共鳴。

有記者問狄維莊遜是否會懷念摔角場，他表示，摔角職業生涯是他人生中的重要部分，雖然已離開十幾年，恐怕很難重返摔角場了。他接著又講笑說，假如現場有人出100美元，他願意再表演一回摔角。

導演安迪費克曼出生於著名飛碟事件發生地——新墨西哥州羅斯威爾，所以一直希望拍攝科幻題材。這次為執導《勇闖魔域山》，他亦收集很多資料做足準備功夫，希望將經典科幻原著改編成一套精彩刺激的冒險電影。

簡短的記者會中，狄維莊遜同安迪費克曼的幽默令現場不時一片笑聲

狄維莊遜左臂紋身的大特寫！！

再見了，狄維莊遜！

華納影片本月初宣佈 Rain 將由韓國抵港宣傳他的首部荷里活電影《極速賽車手》( Speed Racer )，一眾「雨」迷便極度雀躍，熱烈期待這位亞洲天王再臨香港。為了答謝fans支持，Rain 將於4月23日晚上8時現身奧海城商場2期中庭，與全港粉絲作近距離接觸！

為了配合《極速賽車手》宣傳，奧海城更會於4月22日至25日期間展出電影戲服。另外，在4月23日活動當天，大會亦舉辦了一個「賽車手大募集」的活動，粉絲們於當晚6時以賽車手打扮現身會場，將有機會上台與Rain影親密合照，相信所有雨迷必定會全副裝備上陣，掀起全場一片賽車狂熱！

《極速賽車手》香港上畫日期：2008年5月8日。

12月16號周日傍晚，聖誕鉅獻《魔幻羅盤》( The Golden Compass )喺數碼港舉行咗盛大嘅慈善首映禮暨「Guide to the Future」香港女童軍慈善晚宴2007，仲特別邀請《魔幻羅盤》導演兼編劇基斯韋士( Chris Weitz )同「萊拉」迪歌達布魯李察斯( Dakota Blue Richards )來港宣傳新片。在此多謝泛亞同天娛邀請荷里活電影手冊參與本次活動！發現呢排又真係幾多荷里活影星訪港嚄！

我自己都係第一次嚟數碼港，大家都知啦，公共交通並不算十分之方便。數碼港嘅設計都幾正吓，層次感好強，特別係D立面~

大會當然都有鋪設紅地氈，不過路線似乎「曲折」咗小小。

因為今次徐香港女童軍總會舉辦嘅慈善活動，所以吸引咗眾多知名人士捧場，其中包括行政長官曾蔭權、夫人曾鮑笑薇（身兼香港女童軍總會會長）、李澤鉅夫婦、唐英年同媽媽、梁愛詩、劉鑾雄同兒子、劉鳴偉同太太、賭王何鴻燊同女兒何超瓊。香港女童軍總會名譽副會長張王幼倫（下圖左）表示，大會籌得善款已超過700萬港元。（唔知香港首周票房有冇咁多呢？）

基斯韋士同迪歌達布魯李察斯終于現身！

特首夫人、張王幼倫向兩位致送活動紀念品——Dior贊助靚錶~

部分到會嘉賓一同合影留念，多數都係等到晚宴開幕前最後一刻先至低調入場……

我雖然對fashion冇乜feel，但感覺上迪歌達呢個造型似乎靚過倫敦全球首映禮嗰個嚄！

到咗傳媒訪問時間啦。基斯韋士同迪歌達布魯李察斯兩位都幾shy吓，答記者問覺得有少少nervous。佢哋呢幾日喺香港要出席多項活動，行程密到冇時間行街。真係辛苦晒！

《魔幻羅盤》票房表現欠佳，咁開拍第二集係唔係希望渺茫呢？迪歌達回應話：「我知道我哋而家面臨唔少困難，不過希望『黑暗元素』之旅可以繼續落去。 」首次訪港嘅迪歌達坦言自己有睇華語片，可惜一時講不到片名，好多中國演員她只認到嗰樣，唔記得嗰名。講到同妮歌潔曼嘅合作，迪歌達大讚妮歌「驚艷」，有機會同佢合作大感自己幸運。

今次活動獲得Dior大力贊助，慈善晚宴場地佈置以晶瑩冰雪世界為主題，切合番《魔幻羅盤》劇情~

最後要特別多謝Stewart幫我影咗咁多相！Thanks a lot!

Click入呢度檢視更多《魔幻羅盤》香港慈善首映禮現場相片！

《魔幻羅盤》即將于2007年12月20日在香港上畫。

《魔間傳奇》( I Am Legend )主演韋史密夫( Will Smith )、導演法蘭西斯羅倫斯( Francis Lawrence )同埋編劇兼監製艾基法高士文( Akiva Goldsman )今次香港宣傳行程中都包括咗開放畀公眾參與嘅亞洲首映禮，雖然我哋知道公眾活動經常都係「吃力不討好」，不過仍然都有唔少影迷12月8日晚上專程前往銅鑼灣時代廣場一睹巨星風采。

But，主辦方嘅場地佈置有D「怪異」，紅地毯嘅位置係靠喺時代廣場建築物內側，同出邊嘅行人道之間隔著個大大嘅記者席。場外等候嘅影迷睇嚟只能「可望而不可及」，的確令人感到小小遺憾。

從傍晚6點鐘開始，開始見到有收到消息嘅影迷到鐵馬出邊「霸位」，有幾位仲特登帶咗攞韋史密夫做封面嘅雜誌到現場索取簽名。不過似乎大部分都係外國fans，唔通韋史密夫本地觀眾人氣不佳？

站咗兩個幾鐘，陸續有明星嘉賓行經紅地毯。等到我面前嘅嘉賓席「人頭湧湧」，主持人終於正式宣布亞洲首映禮開幕。艾基法高士文同法蘭西斯羅倫斯當然要先出場。我估唔到主持人介紹高士文係《有你終身美麗》( A Beautiful Mind )編劇都幾多人鼓掌架！

當然，大家最期待見到嘅都係韋史密夫！於是主持人請大家一齊大喊"Will Smith! Will Smith!"將他請上台。韋史密夫一出現，整個時代廣場都被歡呼聲所震動。史密夫仲覺得未夠「勁」：「畀我聽到你哋D尖叫聲！」全場一呼百應之勢，加上史密夫現場大玩「rap」（其實韋史密夫最早係singer出身嘅），可能會被D路人以為係某位歌星嘅live show！

今次《魔間傳奇》亞洲首映禮又玩咗遞D傳統表演項目——打鼓。本地舞獅團先做咗一次示範表演，而韋史密夫就喺後邊跟著打拍。然後主持人話，「史密夫先生，係時候睇你開show了！」韋史密夫先係故作驚訝，不過好快就接過鼓棒，喺舞獅團成員嘅協助之下都幾「似模似樣」。

仲未完，緊接著韋史密夫就「邀請」艾基法高士文、法蘭西斯羅倫斯齊齊擊鼓，最尾仲還要加多個踢腿動作。orz...

鼓聲一停，舞台上就綻放出耀眼嘅火花，無數彩帶從空中飄落到人群之中，精心佈置嘅時代廣場聖誕裝飾都同時亮燈！簡短嘅亞洲首映禮活動就咁落下帷幕。

身邊仲有好多外國電視記者對著鏡頭難以掩飾興奮之情。最「巔」嘅就係D泰國記者，喺首映禮現場又叫又跳。不過今次泰國幾間傳媒似乎派咗頗為之強大嘅報導陣容，甚至連華納泰國都有同事隨團來港，由此可見係幾咁重視。

最尾影番張亮燈后嘅時代廣場聖誕裝飾，喺度預祝大家聖誕快樂！

Update:  多謝華納影片提供《魔間傳奇》時代廣場香港首映禮現場影片！

《魔間傳奇》即將于2007年12月13日在香港上畫！ 

特別鳴謝：Warner Bros. (F.E.) Inc.

荷里活電影手冊有幸受邀出席華納影片12月7號到8號喺香港舉行嘅《魔間傳奇》( I Am Legend )亞洲傳媒活動。最令我興奮嘅係，《魔間傳奇》主演韋史密夫( Will Smith )、導演法蘭西斯羅倫斯( Francis Lawrence )和編劇兼監製艾基法高士文( Akiva Goldsman )來港為新片造勢，香港都係佢哋訪問日本以外亞洲地區嘅唯一一站。

12月6號晚黑，我同其他傳媒一同喺JP銅鑼灣睇咗《魔間傳奇》最終剪輯版。華納今次規定缺席《魔間傳奇》 傳媒優先場嘅記者將不獲允許參與記者會。可能都係希望記者嘅問題唔好咁 stupid 吧。

《魔間傳奇》亞洲記者招待會12月7號早上喺灣仔君悅酒店舉行。之前同其他幾位記者傾番套戲，大家嘅評價基本一致：就是冇乜驚喜。仲有位記者講笑話，呢套1.5億美金預算嘅「I Am Legend」應該改名叫「I Am Rich」……

影片簡介+預告片放映之後，三位重量級嘉賓終於現身：艾基法高士文、第2次訪港嘅法蘭西斯羅倫斯（上次同奇洛李維斯( Keanu Reeves )來港宣傳《魔間行者》( Constantine )）、當然仲有荷里活巨星韋史密夫。一直都鍾意「搞搞震」嘅史密夫一出場就同D記者握手，瞬間帶起現場氣氛。

史密夫啱啱坐低就大喊幾聲，台下D記者再次熱烈鼓掌。不過史密夫仲未玩夠。他拆咗印著「Will Smith」嗰牌，即場簽名送畀台下某位幸運記者。喺佢嘅「支持」同「鼓勵」之下，法蘭西斯羅倫斯同和艾基法高士文紛紛效仿大派簽名。所以話，靚女記者幾咁有「着數」~

由於記者會之前先至攞到 press kit，所以好多記者嘅問題其實都可以喺 press kit 入邊搵到答案。Anyway，其中也有D幾有趣嘅問題。有記者問到，韋史密夫之前同嗰仔合作一齣《尋找快樂的故事》( The Pursuit of Happiness )，今次《魔間傳奇》又有嗰女嘅首次銀幕亮相，咁佢自己覺得邊位更有做戲天分呢？史密夫話，佢嗰仔同嗰女感覺好大「差別」。嗰仔就好似尊尼特普( Johnny Depp )咁有表演慾，而嗰女就有安祖蓮娜祖莉( Angelina Jolie )嘅自信同魅力。全場大笑。

有人問導演法蘭西斯羅倫斯對韋史密夫嘅表演評價如何。史密夫突然間好似好興奮：「Exactly! 呢個都係我最關心嘅問題！」導演「高度評價」之後，史密夫即場寫「thank-you letter」畀羅倫斯。高士文被記者問到關於故事嘅背景嘅問題。史密夫隨後都進行咗補充。高士曼扮到好似好惱咁：「唔好意思，呢個問題係畀我嘅！」史密夫仲好「硬頸」：「我幫你補充小小嘢嚄！」高士文伸隻手去熄咗史密夫嗰 MIC。史密夫見到有D唔妥，即刻「奮筆直書」封「致歉信」畀對方。

大部分傳媒都提及AP美聯社記者嘅問題，關於《魔間傳奇》喺國內被拒上畫嘅傳聞。 《Variety》星期四刊文披露中國接落嚟3個月都不會准許任何海外電影上畫，之前送審嘅《魔法奇緣》( Enchanted )、《魔戰王》( Beowulf )、《蜜蜂電影》 ( Bee Movie )，包括呢部《魔間傳奇》全部 rejected。史密夫話，佢好重視中國大陸市場，都非常努力進行溝通，不過畢竟只有部分海外電影獲得准入。他仲透露，第二天會同中國電影集團高層韓三平先生見面，討論喺香港或者北京合作翻拍《龍威小子》( The Karate Kid )。「我一定會同韓生講，『我嗰部《魔間傳奇》好像仲未喺中國上映嚄』。」

最尾一個問題，韋史密夫話「不如我落去接受提問啦」。接著就行到去揸 MIC 嘅 TVB 女記者隔離。呢位記者「請教史密夫先生」嘅時候，史密夫仲特登仰起嗰頭。答完問題之後，史密斯不忘大贊對方「你好靚」，仲做咗個手勢「call me」。

最後當然就係 photo call 啦。從左到右：法蘭西斯羅倫斯、韋史密夫、艾基法高士文。

接著仲有韋史密夫嘅單人照。他問D記者駛唔駛擺D特別嘅 pose，比如話好似海報咁走路，於是乎就有咗……

記者會結束之後，一位泰國記者上台「惡搞」韋史密夫行路 pose……

《魔間傳奇》即將于2007年12月13日在香港上畫！

特別鳴謝：Warner Bros. (F.E.) Inc.

韋史密夫( Will Smith )今個星期要來香港啊！雖然華納影片之前已經出咗通告，不過而家我哋先收到份詳細嘅行程時間表。假若你想親眼目睹韋史密夫嘅「巨星風采」，千祈唔好錯過《魔間傳奇》( I Am Legend )亞洲首映禮嘅紅地毯儀式啦！

Yea, Will Smith is coming to Hong Kong for "I Am Legend" Asian gala premiere this week! If you wish to see him, or even request for a signature, don't miss it!

下邊就係《魔間傳奇》亞洲首映禮嘅時間同地點，記得帶齊嘢早點去「霸」位嚄！順便喺度「爆D料」：韋史密夫將會同《魔間傳奇》導演法蘭西斯羅倫斯( Francis Lawrence )、編劇及監製阿基華高士文( Akiva Goldsman )一同主持時代廣場聖誕亮燈儀式！

2007年12月7日星期五
晚上8點半
銅鑼灣時代廣場露天廣場

Will Smith, Francis Lawrence( Director ), and Akiva Goldsman( Writer/Producer ) will walk the red carpet. And then they will be hosting the Christmas Light-up Ceremony at Times Square!

Friday, December 7th
8:30 pm
Open Piazza, Times Square, Causeway Bay, Hong Kong

由天映娛樂有限公司榮譽發行之《魔幻羅盤》(The Golden Compass)，將於12月20日於香港上映，《魔幻羅盤》是New Line Cinema繼《魔戒三部曲》後，為慶祝成立40周年特別重點製作之奇幻鉅獻；電影故事主角是一名十二歲的女孩子萊拉(迪歌達布魯李察斯飾演)，她憑著一顆好奇心及一個「真理羅盤」( Alethiometer )開展她從未見過、卻又深不可測的北方世界。
 
《魔幻羅盤》的龐大的宣傳活動亦已告展開，繼《達文西密碼》後，張王幼倫女士將會為香港女童軍總會舉行大型慈善晚宴暨《魔幻羅盤》首映禮，而且更邀得《魔幻羅盤》導演基斯韋士( Chris Weitz )及飾演萊拉之12歲女主角迪歌達布魯李察斯( Dakota Blue Richards )來港參與盛會，慈善晚宴暨《魔幻羅盤》首映禮將於12月16日在數碼港舉行，屆時大會將筵開六十席，並獲得香港特別行政區行政長官伉儷曾蔭權先生及曾鮑笑薇女士出席支持，而身為香港女童軍總會會長之曾鮑笑薇女士，將會為大會主持晚宴及首映禮儀式。

張王幼倫稱 : 「《魔幻羅盤》主角萊拉在原著小說中，就是追尋真理的堅毅及富有冒險精神的代表，這正正與總會的精神不謀而合，因此選擇了以《魔幻羅盤》為香港女童軍總會籌款之電影。」
 
當晚其中一個重要項目，是介紹女童軍一個全新推出的"生態保育章"，香港女童軍總會為提高女童軍對保護環境的認知，特別與濕地公園合作，推出全新的興趣章「生態保育章」，讓小女童軍、女童軍和深資女童軍可以參觀濕地公園和學習有關知識，並與別人分享，為我們的下一代建設一個有更高生活質素的環境。
 
香港女童軍總會設立女童軍興趣章計劃之目的，是給予女孩子明確的指引，讓她們盡量發揮本身的才華，顯示自己的能力，並接受新挑戰。
 
天映娛樂行政總裁范威廉先生表示：「我們深感榮幸，是次能與香港女童軍總會合辦《魔幻羅盤》慈善首映禮。而導演基斯韋士及女主角迪歌達布魯李察斯親臨香江，更是整個電影宣傳活動的壓軸。《魔幻羅盤》是本年度萬眾期待的聖誕壓軸電影，我們誠意感謝各方善長及香港女童軍總會對《魔幻羅盤》首映禮的支持之餘，天映娛樂並會繼續努力，搜羅更多的中外猛片給香港觀眾。」
 
今次晚宴及《魔幻羅盤》首映禮獲得Dior贊助，屆時場地佈置將會美輪美奐，可是對於佈置詳細內容，張王幼倫則表示要絕對保密 : 「我們希望每一次舉辦慈善晚宴及首映禮都給予參與者新的經驗，所以今次我們在晚宴及首映現場打造成一個與別不同的世界，食物方面也會照顧一些素食善長。」但可以說的是今次邀得導演基斯韋士及12歲女主角迪高達布魯李察斯來港，張王幼倫會盡地主之誼，安排他們暢遊維港及一嘗香港美食。
 
雖然未能得知晚宴及首映禮會場佈置情況，可是沙田新城市廣場以電影《魔幻羅盤》為主題而設置之「魔幻羅盤 聖誕之旅」展館，將於2007年11月28日啟幕，展館將電影中巨型武裝熊、魔幻3D飛船及魔幻羅盤等融入聖誕佈置當中，洋溢著一片濃厚節日氣氛，展館設於商場3期地下，讓顧客於聖誕佳節參觀及拍照留念，展期至2008年1月1日。為配合電影宣傳，顧客凡於沙田新城市廣場購物滿指定金額，即可參加「魔幻幸運輪」抽獎活動，禮品包括《魔幻羅盤》電影紀念品、電影戲票、精緻武裝熊玩具、糖果等等。

更多11月27號《魔幻羅盤》倫敦全球首映禮現場報道，請即瀏覽「黑暗元素三部曲中文影迷網站」！

我個人對夢工場( Dreamworks )最新動畫作品《蜜蜂電影》( Bee Movie )冇乜 feel 啦，不過發行商派拉蒙影片( Paramount )對佢就好高期望，希望可以喺呢個冇乜動畫片「插足」嘅秋冬檔「大賺一筆」。北美票房而家睇嚟都頗為之成功，不過大家都知海外市場對於荷里活係幾咁重要。所以今次派拉蒙為《蜜蜂電影》策劃咗全球巡迴宣傳陣勢，包括有墨西哥城、雪梨、香港、特拉維夫、布魯塞爾、巴黎同埋倫敦嘅。我有幸獲得角川洲立影片嘅邀請，到現場體驗《蜜蜂電影》亞洲唯一一站宣傳活動嘅盛況。

講吓11月24號香港首映禮嘅舉辦場地，就是位于「港鐵」九龍站上蓋Elements 嘅 The Grand Cinema。呢個都係邵氏集團同角川洲立合作嘅戲院項目。當日喺 The Grand Cinema 進行嘅其實仲有另外兩個活動——「 The Grand Cinema 開幕典禮」同埋「TVB 心在香港四十年」。即係話，當時現場好多人。我簽到嘅時候開幕典禮已經就嚟收尾。緊接著就係 TVB 為新戲院開幕而請咗旗下眾多藝人捧場（畢竟 TVB 及 The Grand Cinema 同屬邵氏旗下機構）。所以我一轉頭就見到曾志偉、胡杏兒同埋其他 TVB 藝人喺現場接受記者採訪，不過好多人我都不識。講嚟慚愧，我真係好少睇電視，更何況係粵語頻道~

《蜜蜂電影》香港首映禮請咗三位電影主創人員到場（動畫片冇得分「幕前」「幕後」），包括為蜜蜂主角 Barry 配音嘅笑匠謝利宋飛( Jerry Seinfeld )、導演史提夫希拿( Steve Hickner )，仲有「傳奇動畫巨擘」夢工場動畫行政總裁謝菲卡辛堡( Jeffrey Katzenberg )。雖然《蜜蜂電影》三人組比原定時間遲咗好多先至「現身」，不過喺戲院門口「恭候多时」嘅 Star Movies、MTV 及幾間香港本地電視頻道立即「醒定定」，紛紛佔據「有利地位」訪問宋飛同卡森堡。

傳媒專訪過後，三位就喺正對戲院門口嘅海報上面簽名留念。謝利宋飛不但扮晒鬼馬表情，仲即場畫咗隻蜜蜂仔。夢工場不請佢做animator真係嘥晒！

三位喺工作人員嘅「保駕護航」之下步入會場，周圍人群不時爆發出歡呼同尖叫"Jerry! Jerry!"。部分幸運影迷攞到咗宋飛嘅簽名，還有合影添，不過好似都係「貴賓」身份啵……

接住落嚟就係Q&A環節，主持人針對《蜜蜂電影》頻頻發問，宋飛、卡森堡同希拿都作了非常幽默的解答。最令我印象深刻嘅是：主持人問夢工場總裁卡森堡，「點解你哋要請謝利宋飛拍動作片呢？」卡森堡不假思索地話：「因為佢夠搞笑咯。」( Because he's funny! )現場又一片歡呼+鼓掌。（我都估唔到宋飛喺香港咁多fans）

What's your question? 畀我睇吓條題先~

三人陷入沉思中？

我相信《蜜蜂電影》全球其他城市首映絕對唔會出現D咁有本地特色嘅表演——「舞獅」！《蜜蜂電影》飛嚟香港，當然都要「入鄉隨俗」。不過今次舞嘅不係獅子，而係蜜蜂。三位仲要為「舞蜂」親手點「蜜」（雖然佢哋一開頭好似唔知發生咗咩事），預祝《蜜蜂電影》喺香港大出「蜂」頭，「甜甜蜜蜜」，票房大收！

最尾出場嘅當然就係《蜜蜂電影》主角 Barry，一隻要同人類打一場千億元蜜糖爭產案嘅蜜蜂。

呢張相影完仲唔夠1分鐘，宋飛、卡森堡同希拿就離場了。隔離有一位好nice嘅嘉賓細細聲同我講：「想攞宋飛簽名就係而家啦~」等我追番上去，三位一早就「失蹤」。

排隊等緊入場嘅觀眾

黃黑相間嘅「蜜蜂」型聖誕樹

連D聖誕彩球都印著隻蜜蜂喔

《蜜蜂電影》將于2007年12月20號喺香港上畫。